|
Україну можу виратовац лєм Марсиянє 25.01.2010 Шведски новини Skanskan публиковали свойо песимистичне видзенє ситуациї у України. Виданє пише, же Европа у тей хвильки барз мало уваги дава на Україну. Часточна причина тому исторични причини, алє у векшей мири пре звади и нєспособносци за реални дїйства українскей политичней елити. "Юлия Тимошенко забера про-европску позицию, гоч векшина дума же то лєм празни слова. Чи ше може вериц найкрасшей баби Европи?”- питаю ше новини. Тиж, надпоминаю и вияву Тимошенковей о тим же вона нєма нєрухоми маєток и зарабя лєм 2000$ на мешац. У новинох ше питаю як вец за таки мали приходи може себе куповац драги шмати Louis Vuitton и порихтац свадзбу своєй дзивки за милион долари. "Як политичар вона ше розруцує зоз обецунками як зоз конфетами” – пишу далєй. Про-росийски кандидат Виктор Янукович за пейц роки пременєл свой имидж од бандита до найлєпшого товариша. Фшелїяк, будзе нєприємно кед бувши гарештанєц постанє предсидатель. Нєвибрани, предсидатель Виктор Ющенко мал шицки можлївосци пременїц Україну. Алє наопак, вон кажди раз дїйствовал погришно. Тераз ше длуства України мераю у милиярдох а уровень бруто националного дохотку опаднул – пише Skanskan. Ситуация траґична- криза, длуства, инфлация. Алє, пише Skanskan, єст два вариянти ришеня тей траґичней ситациї – фантастична и реалистична. "Фантастична вариянта- же би политичаре закруцели рукави и почали робиц и озбильно ришовац проблеми. Реалистична вариянта же би ше Марсиянци спущели до України и шицко пошорели”, - пише Skanskan.
|